Bi trông hlăm klei kƀĭn, Dhar bruă kƀĭn ala mñă čuăl mkă ƀuôn prŏng srăng mâo hdră tă djŏ guôp, mâo knhuah hdră êlan, mpŭ kơ hdră bhiăn anôk mnia blei leh anăn hdră bhiăn đĭ kyar kjăp, mă anak mnuih leh anăn hnơ̆ng tŭ jăk klei hdĭp jing mta kñăm, dhar kreh leh anăn klei mrâo mrang ƀuôn prŏng jing tur knơ̆ng đĭ kyar, rơ̆ng kơ hdră bi mguôp plah wah ƀuôn prŏng leh anăn krĭng ƀuôn sang, djŏ guôp hŏng boh sĭt mâo klei pluă mbĭt plah wah ƀuôn prŏng leh anăn krĭng ƀuôn sang.
Khua bruă kƀĭn ala Vương Đình Huệ mñă klă, čiăng ksiêm dlăng bi klă, mgaih msir klei mjĕ giăm plah ƀuôn prŏng leh anăn mkŏ mkra krĭng ƀuôn sang mrâo, klei mjĕ giăm plah wah ƀuôn prŏng leh anăn mđĭ kyar bruă duh mkra ƀuôn prŏng, čuăl mkă djŏ guôp hŏng klei mlih yan adiê. Khua bruă kƀĭn ala mñă ktang, čiăng ksiêm duah mgaih msir dŭm klei dleh kpăk hlăm boh sĭt kơ hnơ̆ng čuăn hlăm bruă čuăl mkra ƀuôn prŏng, čuăl mkra krĭng ƀuôn sang, ăt msĕ mơh mkra mlih klei čuăl mkă djŏ hŏng boh sĭt.
Viết bình luận