Hlăm 2 hrue kăm kơ anei, dua tlâo hrue mâo yơh kahan lĭng, kahan ksiêm dôk hlăm alŭ wăl lŏ dŭ êa ba kơ mnuih ƀuôn sang, čiăng kơ mnuih ƀuôn sang mâo êa yua. Dŭm boh să ti knông lăn kdriêk Ea Súp jing leh anôk phŭn kơ klei kƀah êa hĭn êdi hlăm čar Daklak. Grăp thŭn tơdah truh yan bhang không, kreh tuôm yơh hŏng klei kƀah êa. Ƀiădah thŭn anei jing kjham hĭn.

Dơ̆ng mơ̆ng leh kčưm mŭt hlăm yan bhang không, kahan lĭng lehanăn kahan ksiêm dơ̆ng duah êlan đru dŭ ba êa kơ mnuih ƀuôn sang.   Thiếu tá Đoàn Huy Tưởng, Khua kahan ksiêm să Ea R’Vê, kdriêk Ea Súp, brei thâo, grăp hrue dŭm boh ƀuôn bi yap yơh hlei gŏ sang kƀah êa. Leh kơ anăn kahan ksiêm să mâo hdră bi mguôp hŏng êpul kahan mrô 737 (kahan alŭ wăl 5), bi đru dŭ ba êa kơ mnuih ƀuôn sang./.