Khua Anôk bruă kƀĭn ala mkŏ mjing Klei bi kƀĭn tal 46
Thứ tư, 10:43, 04/06/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê - Aguah 3/6, Khua anôk bruă kƀĭn ala Trần Thanh Mẫn mphŭn pŏk Klei bi kƀĭn tal 46 Dhar bruă gĭt gai Anôk bruă kƀĭn ala, mñă kơ bruă bi leh klei bhiăn kñăm mjing boh kdrŭt mrâo kơ hdră mđĭ kyar lehanăn rơ̆ng boh tŭ mă bruă mơ̆ng anôk bruă knŭk kna.
Khua Anôk bruă kƀĭn ala brei thâo, Klei bi kƀĭn tal 9 Anôk bruă kƀĭn ala mjưh ruê̆ gưl 1 tŭ jing hŏng 8 hdră mtrŭn dưi bi mklă, hlăm anăn mâo hdră mtrŭn mkra mlih Hdră bhiăn phŭn thŭn 2013 lehanăn mkŏ mjing Dhar bruă čih mkra bruă mkra mlih Hdră bhiăn.
Ti anôk bi kƀĭn, Dhar bruă gĭt gai srăng ksiêm dlăng, brei klei blŭ hŏng 28 klei čih mkra hdră bhiăn, hdră mtrŭn tĭng ba mdah kơ Anôk bruă kƀĭn ala gưl 2, mbĭt hŏng 4 mta phŭn mrâo djŏ tuôm kơ hdră lĭng kahan, klei bhiăn bruă ngăn prăk lehanăn mkŏ dăp anôk bruă gưl čar thŭn 2025. Khua anôk bruă kƀĭn ala mtă kơ anôk bruă djŏ tuôm mă bruă klă klơ̆ng, đua klam, rơ̆ng boh tŭ hdră mă bruă hlăk bruă klam hlăm wưng ti anăp jing lu snăk./.
Viết bình luận