Khua bruă kƀĭn ala mñă klă, Việt Nam dlăng klei bi hgŭm lu mta hŏng Ma-rôč; čang hmăng bi hgŭm hlăm lu mta bruă čiăng kơ dua tĭng đĭ kyar; hơêč hmưi kơ Ma-rôc dưi mâo lu klei tŭ dưn kơ bruă duh mkra- ala ƀuôn hlăm wưng êgao, boh nik bruă duh mkra prŏng tal 5 ti krĭng Afrik.

Khua bruă kƀĭn ala Trần Thanh Mẫn brei thâo, Bruă kƀĭn ala Việt Nam leh anăn Anôk bruă kƀĭn ala nah gŭ lehanăn nah dlông Ma-rốc hdơ̆ng bi nao ai hlăm dŭm Klei bi kƀĭn Bruă kƀĭn ala Asi - Pacific, Êpul hgŭm bruă kƀĭn ala dlông rŏng lăn. Hlăm wưng kơ anăp, Khua bruă kƀĭn ala mtă, Bruă kƀĭn ala dua ala čar mđĭ lar klei bi trông êpul leh anăn klei bi tuôm gưl dlông, dŭm gưl bi kah mbha klei thâo hlăm bruă čih mkra hdră bhiăn; bi hgŭm kjăp hlăm klei bi kƀĭn lu tĭng, bruă kƀĭn ala krĭng wăl leh anăn dlông rŏng lăn.