Khua gĭt gai Đảng Nguyễn Phú Trọng mñă klă, Việt Nam mpŭ klei sa ai, klei đru yuôm bhăn mơ̆ng Liên Xô, hlăm anăn mâo ala čar Russia êlâo adih lehanăn Liên bang Russia hruê anei hlăm hdră kdơ̆ng mblah sua wĭt klei êđăp ênang, dua hdră kdơ̆ng mblah, hluh lir ala čar lehanăn hlăm hdră mkŏ mkra, răng mgang ala čar êdei anei. Khua gĭt gai Đảng mñă klă Việt Nam bi mni klei bi mjĕ jăk siam, Ƀĭng hgŭm phŭn kluôm dhuôm hŏng Russia, jing klei mđing tal êlâo hlăm hdră mtrŭn hŏng tač êngao mơ̆ng pô.

Khua mil čhil Vladimir Putin bi êdah klei mơak kơ gưl hiu čhưn ti Việt Nam lehanăn dưi bi tuôm hŏng Khua gĭt gai Đảng Nguyễn Phú Trọng, mñă Việt Nam jing ƀĭng găp, anôk đăo knang kjăp mơ̆ng Russia, klei bi mjĕ dua ala čar dưi lông dlăng leh hlăm dŭm hruê mlan, mđĭ kyar klei bi mjĕ kluôm hŏng Việt Nam jing klei mđing tal êlâo hlăm hdră mtrŭn hŏng tač êngao mơ̆ng Russia ti krĭng Asi – Pacifik, đăo knang gưl hiu čhưn srăng mjing boh kdrŭt mrâo kơ klei bi mjĕ dua ala čar./.