Khua knŭk kna Manuel Marrero Cruz  bi êdah klei hơ̆k mơak dưi drông Khua gĭt gai Tô Lâm, mñă klă gưl nao čhưn anei mơ̆ng Khua gĭt gai Tô Lâm jing bruă yuôm bhăn hlăm hƀuê ênuk hlăm klei mjĕ giăm dua ala čar.

Khua gĭt gai Tô Lâm bi êdah klei mpŭ leh anăn bi myuôm dŭm boh tŭ mâo mnuih ƀuôn sang Cuba dưi mâo leh hlăm êlan nao kơ yang ƀuôn ngă phŭn hlăm wưng adôk mâo lu klei dleh dlan. Khua gĭt gai Tô Lâm leh anăn Khua knŭk kna Manuel Marrero Cruz bi trông kơ klei bi mguôp plah wah dua ala čar hlăm wưng êgao. Dua tĭng bi trông êlam kơ dŭm hdră êlan čiăng mđĭ hĭn boh tŭ klei bi mguôp Việt Nam – Cuba hlăm dŭm mta bruă, tŭ ư mtrŭt mđĭ boh tŭ klei bi mguôp bruă duh mkra, mñă kơ dua tĭng lŏ dơ̆ng uêñ mĭn, ngă jăk dŭm hdră bi mguôp bruă lŏ hma, ksiêm duah hdră êlan bi mguôp mrâo hŏng klei tŭ dưn leh anăn kjăp.