250 čô bi ala kơ êbeh 378 êbâo čô mnuih djuê ƀiă hlăm čar nao hlăm klei bi kƀĭn, hlăm anăn mâo lu phung êdah êdi hlăm hdră mphŭn čô̆ kơ bruă, mđĭ kyar bruă duh mkra, kpưn đĭ kơ mdrŏng. Klei bi kbĭn kčah hdră kñăm gĭr truh thŭn 2030, prăk hrui wĭt kah knar krĭng mnuih djuê ƀiă mâo mơ̆ng 84 -87 êklăk prăk/mnuih/thŭn; leh anăn ênoh gŏ êsei ƀun hrŏ mơ̆ng 2-3%/thŭn…
Klei bi kƀĭn bi mklă, klei hdĭp mnuih djuê ƀiă čar Lâm Đồng dưi mđĭ kluôm ênŭm. Bruă tŭ mă leh anăn hmao yua klei mrâo mrang bruă kreh knhâo hdră mnêč hlăm bruă mkra mjing đru mâo prăk hrui wĭt mâo 50 êklăk prăk/mnuih/thŭn, đĭ 12,5% mkă hŏng thŭn 2019; Boh nik, ară anei kluôm čar mâo 353 anôk bruă duh mkra kyua mnuih djuê ƀiă ngă khua, hŏng ênoh prăk mâo truh 2.773 êklai prăk.
Y Vinh Tơr, K’iăng Khua Knơ̆ng bruă djuê ana lač, hdră mđĭ kyar bruă duh mkra - ala ƀuôn krĭng mnuih djuê ƀiă čar Lâm Đồng mâo boh tŭ dưn kluôm. Ñu lač, brei Lâm Đồng lŏ dơ̆ng mđing dlăng bi lu jơr klei găl kơ krĭng mnuih djuê ƀiă, mđĭ ktang dŭm hdră kñăm ala čar kơ klei mkŏ mjing krĭng ƀuôn sang mrâo leh anăn bi hrŏ ƀun kjăp.
Viết bình luận