Anei jing tal 2 klei bi kƀĭn dưi mkŏ mjing. Klei bi kƀĭn thŭn anei mâo 306 čô phung bi ala jing phung hđeh êdah êdi mơ̆ng kluôm ala. Phung bi ala mâo ruah mơ̆ng Êpul  gơ̆ng phung hđeh dŭm gưl ngă leh klei bi tuôm hŏng phung bi ala kơ mnuih ƀuôn sang, mđing hmư̆ klei blŭ mơ̆ng phung bi ala kơ mnuih ƀuôn sang.

Nao hlăm klei bi kƀĭn anei, phung hđeh dưi lông ngă phung bi ala Bruă kƀĭn ala leh anăn khua gĭt gai kmeh gơ̆ng hlăm Bruă kƀĭn ala, Knŭk kna hlăm Klei bi kƀĭn bruă kƀĭn ala čiăng bi trông kơ 2 akŏ: Gang mkhư̆ klei bi čăm biêng, ngăn jhat hlăm sang hră” leh anăn “Gang mkhư̆ klei jhat mơ̆ng hăt, mnơ̆ng amâo jăk, boh nik hlăm sang hră”. Mbĭt hŏng klei bi trông mkŏ mjing tlam anei, ăt srăng mâo klei êmuh kơ 2 akŏ anei hlăm Anôk bi kƀĭn Diên Hồng sang Bruă kƀĭn ala hlăm aguah mgi 29-9, srăng mâo Khua bruă kƀĭn ala Trần Thanh Mẫn leh anăn khua gĭt gai dŭm Phŭn, dhar bruă nao hgŭm.