Hŏng ênoh duh bi liê hlăm brô 17.400 êklai prăk, hlăm anăn prăk tla hnô bruă ruh mgaih anôk ala jing hlăm brô 8.280 êklai prăk, mă bruă hlue hdră êlan BOT hŏng ênoh hlăm brô 8.880 êklai prăk. Nao ksiêm dlăng anôk ruah mgaih anôk ala, Khua knŭk kna Phạm Minh Chính mñă anei jing êlan phŭn, mâo klei yuôm bhăn kơ bruă mkŏ Lăn dap kngư, Ngŏ kwar dhŭng, tač êdeh phiơr Long Thành lehanăn hŏng dŭm êlan dơ̆ng prŏng mkăn, mbĭt hŏng kdrŭn ksĭ…

Khua knŭk kna mtă kơ dua alŭ wăl jing čar Bình Dương, Bình Phước bi hgŭm kjăp čiăng pral bi leh êlan klông, hlăm anăn kdrêč găn čar Bình Phước knŏng mâo 7 kmduh mkra bi pral. Êjai hlăm bruă mkra êlan phung mkra êlan bi hgŭm hŏng anôk bruă hlăm alŭ wăl, mkra êlan lehanăn mjing bruă mă kơ mnuih ƀuôn sang hlăm alŭ wăl, čiăng mđrăm mbĭt dưi ngă bruă prŏng./.