Khua knŭk kna Phạm Minh Chính bi tuôm hŏng phung khua kiă kriê EU
Thứ tư, 10:16, 11/06/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Hrue 9/6, ƀri nao ti anôk bi kƀĭn gưl dlông tal 3, mơ̆ng êpul hgŭm lu ala čar kơ klei êa ksĭ mkŏ mjing ti ala čar Prăng, Khua knŭk kna Phạm Minh Chính mâo leh 2 klei bi tuôm hŏng khua knơ̆ng kiă kriê êpul gơ̆ng Ơrôp Antonio Costa lehanăn khua kiă kriê dhar bruă Ơrôp Ursula von der Leyen.
Ti dŭm klei bi tuôm, Khua êpul gơ̆ng lehanăn khua dhar bruă Ơrôp mñă EU bi myuôm klei bi mguôp hŏng Việt Nam lehanăn bi đru kơ hdră êlan hgŭm kluôm dhuôm.
Boh nik klei bi hgŭm plah wah Việt Nam - EU wưng tinăp, Khua knŭk kna čang hmăng kơ dua nah hyuă kjăp hĭn klei bi hgŭm, hlŏng truh kơ klei kuôl kă EVIPA; lehanăn čang hmăng kơ EC ruh mgaih klei dôk kăm ghă ti hnơ̆ng IUU kơ mnơ̆ng hlăm êa mơ̆ng Việt Nam. Khua kiă kriê êpul gơ̆ng lehanăn dhả bruă Ơrôp bi tŭ ư kơ klei ciăng mđĭ kyar klei hgŭm dua nah, tui si klei khua knŭk kna čang hmăng. Hưn mdah hlăm wưng tinăp srăng lŏ mâo dŭm ala čar hlăm EU bi klă klei kuôl kă EVIPA. Êjai boh klei dlông rŏng lăn lehanăn hlăm alŭ wăl mâo lu klei bi mlih, dua nah bi tŭ ư hgŭm hlăm hdră êlan lu tĭng./.
Viết bình luận