Khua knŭk kna bi mni kơ klei đru mguôp mơ̆ng Anôk bruă čih hră ASEAN leh anăn Khua čih hră hlăm bruă mbĭt mơ̆ng ASEAN; bi mni kơ ñu tŭ ư asăp jak iêô nao hlăm Klei bi kƀĭn mgi dih ASEAN (AFF) tal êlâo mkŏ mjing hlue si klei mĭn mbruă  Việt Nam; mñă Việt Nam pioh lu ai tiê kơ klei mĭn mbruă anei hŏng klei čang hmăng AFF srăng jing klei bi trông kơ klei mĭn mđĭ kyar klei bi hgŭm krĭng wăl, đru kơ dŭm klei bi kƀĭn, klei bhiăn klă sĭt mơ̆ng ASEAN, đru mkŏ mjing sa Êpul êya ASEAN bi hgŭm, đĭ kyar kjăp.

Ƀri gưl anei, Khua knŭk kna hŏng Khua čih hră ăt bi trông kơ klei djŏ tuôm mkăn hlăm klei bi hgŭm ASEAN msĕ si mđĭ klei gĭr mơ̆ng Timor Leste jing ala čar hgŭm hlăm ASEAN, mđĭ klei thâo mơ̆ng Anôk bruă čih hră ASEAN hlăm klei ruah dŭm phŭn bruă mâo klei dưi mơ̆ng dŭm ala čar, hlăm anăn mâo Việt Nam./.