Blŭ hrăm hlăm klei kƀĭn, Khua knŭk kna Phạm Minh Chính mñă ktang, thŭn 2024, thŭn kdlưn hĭn hlăm bruă hluê ngă hdră êlan mđĭ kyar bruă duh mkra ala ƀuôn 5 thŭn 2021 – 2025, hlăm anăn kñăm hlăm bruă mtrŭt mđĭ klei đĭ kyar leh anăn mkŏ wĭt bruă duh mkra, Mtrŭt mđĭ klei mlih mrô ala čar, mđĭ kyar knŭk kna mrô, bruă duh mkra mrô, yang ƀuôn mrô, mnuih ƀuôn sang mrô, kñăm kơ 3 hdră kdlưn hĭn mâo hdră kiă kriê, mnuih mă bruă, boh nik jing mnuih mă bruă hnơ̆ng tŭ jăk, hlăm anăn mta kñăm jing mnuih mă bruă đru kơ klei mlih mrô, mkŏ wĭt bruă mkŏ mkra, hlăm anăn mâo bruă mkŏ mkra mrô.

Khua knŭk kna mñă klă, mlih mrô jing sa bruă klam kñăm, klei kdlưn hĭn hlăm bruă hluê ngă dŭm mta kñăm mđĭ kyar bruă duh mkra ala ƀuôn. Hlăm gưl kƀĭn anei, Khua knŭk kna mñă kơ phung bi ala kñăm bi klă boh sĭt hluê ngă bruă mlih mrô lăn čar hŏng mta kñăm jing mđĭ kyar bruă duh mkra mrô, dŭm boh tŭ dưn dưi mâo, klei dlehj kpăk, dŭm hdră êlan kñăm čiăng hluê ngă dŭm bruă klam dưi ba mdah hlăm hdră êlan ngă bruă thŭn 2024 mơ̆ng Dhar bruă ala čar kơ klei mlih mrô.