Giăm 500 čô bi ala nao hlăm klei bi kƀĭn, mâo Khua knŭk kna Lào - Khua gĭt gai ASEAN 2024; Kao Kim Hourn, Khua čih hră ASEAN; phung khua phŭn bruă, khua bi ala, bi ala kơ Knŭk kna dŭm ala čar ASEAN, dŭm ala čar hgŭm, êpul bruă dlông rŏng lăn.

Klei bi kƀĭn êdei anăp ASEAN 2024 hŏng akŏ “Mkŏ mjing êpul êya ASEAN đĭ kyar pral, kjăp, mă mnuih ƀuôn sang jing phŭn” jing sa klei mĭn mbruă yuôm bhăn mâo Khua knŭk kna Phạm Minh Chính kčĕ hlăm Klei bi kƀĭn gưl dlông ASEAN tal 43 hlăm mlan 9/2023. Anei jing klei mĭn mrâo mơ̆ng Việt Nam hŏng klei čang hmăng mjing klei bi kƀĭn mbĭt kơ dŭm ala čar hlăm ASEAN ăt msĕ mơh ala čar hgŭm hŏng ASEAN, mnuih ƀuôn sang ASEAN đru mguôp hlăm klei mđĭ kyar. Blŭ hrăm hlăm klei bi kƀĭn, Khua knŭk kna Phạm Minh Chính mñă klă, čiăng hlue ngă Hnơ̆ng trah dlăng ASEAN 2045, brei hlue ngă 5 klei mđĭ ktang leh anăn Việt Nam srăng gĭr hĭn hrăm mbĭt mkŏ mjing klei tŭ jing, pŏk sa êdei anăp sa anăn hlăm lu mta mơ̆ng ASEAN./.