Blŭ hrăm hlăm klei kƀĭn trông, Khua knŭk kna Phạm Minh Chính mñă klă, anei jing bruă yuôm bhăn, bi mguôp ba mdah klei čuăl mkă leh anăn mtrŭ mđĭ klei duh bi liê mơ̆ng čar, bi êdah hdră tă, klei ngă bruă djŏ guôp, kreh knhâo leh anăn klei uêñ mĭn mơ̆ng dŭm knơ̆ng bruă, phung duh bi liê leh anăn dŭm klei bi mguôp kluôm êlam, djŏ hŏng boh sĭt mơ̆ng dŭm knơ̆ng bruă, phung duh bi liê.

Bi kơ hdră čuăl mkă čar Lạng Sơn 2021 – 2030, tă hdră truh ti thŭn 2050, Khua knŭk kna bi klă, čuăl mkă dưi mprăp klă nik, kreh knhâo, mkŏ mjing hluê si tur knơ̆ng klei găl êdah êdi, ai dưi bi ktưn, ăt msĕ mơh mgaih msir dŭm klei dôk mâo, klei dleh kpăk mơ̆ng čar. Čuăl mkă bi êdah leh dŭm klei mĭn, hdră trah dlăng, mta kñăm mđĭ kyar, hdră êlan mđĭ kyar, hdră êlan đru, ai dưi hluê ngă klei čuăl mkă hlăm wưng kơ anăp.