Klei trông čhai hŏng akŏ “Phung duh mkra ASEAN mâo klei thâo bi mguôp, čŏng pô kpưn đĭ hŏng klei kjăp: pai mă klei găl hlăm ênuk mrô”. Ti anôk trông čhai, phung khua kiă kriê dŭm phung duh mkra ASEAN, phung khua kiă kriê ASEAN lehanăn dŭm ala čar hgŭm bi trông kơ dŭm klei dleh dlan dôk găn hlăm klei bi hgŭm duh mkra mrô ti ASEAN; hdră lŏ hyuă kjăp hĭn klei bi hgŭm hlăm ASEAN hŏng dŭm ala čar hgŭm hlăm klei mđĭ kyar bruă duh mkra mrô, mtrŭt mkŏ mjing anôk duh mkra mrô jăk hlăm   ASEAN; tui tiŏ hdră êlan duh mkra mnia mblei hŏng elektronik ti ASEAN ară anei, mđĭ hĭn bruă mkăp bán dẫn ti ASEAN.

Mbĭt hŏng anăn lŏ bi trông kơ klei ba yua kdrăp kreh knhâo (AI) hlăm klei kiă kriê bruă duh mkra, lehanăn klei bi hgŭm hlăm ASEAN; bi mlih hlăm klei hâo hưn, hgŭm mkŏ mjing mnuih thâo bruă, mđĭ anôk duh mkra hŏng kdrăp mrâo./.