Khua lăn čar Tô Lâm bi mklă hlăm grăp wưng, Khua lăn čar dŭm wưng gĭr ktưn čiăng hlue ngă djăp ênŭm, tŭ dưn bruă klam, klei dưi hlue si Hdră kčah mơ̆ng Hdră bhiăn. Hlăm dŭm thŭn êgao, mâo klei mđing gĭt gai mơ̆ng Đảng, Knŭk kna, klă klơ̆ng jing Khua lăn čar, K’iăng Khua lăn čar hlăm dŭm wưng, klei bi hgŭm kjăp, tŭ dưn mơ̆ng phung knuă druh dŭm phŭn, dhar bruă, alŭ wăl leh anăn klei nao ai, đru mơ̆ng dŭm gưl mnuih ƀuôn sang, adŭ bruă Khua lăn čar ƀrư̆ hruê ƀrư̆ đĭ kyar.

Khua lăn čar Tô Lâm mtă kơ phung knuă druh, phung mă bruă Adŭ bruă Khua lăn čar lŏ dơ̆ng ngă jăk bruă knuă hlue bruă klam dưi mbha; mbĭt anăn čang hmăng mâo klei mguôp klei blŭ, klei kčĕ čiăng bi leh jăk bruă klam mâo Đảng, Knŭk kna leh anăn mnuih ƀuôn sang jao.