Khua knŭk kna drông phung khua kiă kriê dŭm êpul group êlan treng, pui kmlă mrô sa mơ̆ng China
Thứ ba, 10:08, 25/06/2024
VOV Tây Nguyên
VOV Tây Nguyên
VOV4.Êđê- Tlam hruê 24/6, ti ƀuôn prŏng Đại Liên, hlăm hdră mă bruă ti China, Khua knŭk kna Phạm Minh Chính drông leh Tôn Vinh Khôn, Khua Êpul hgŭm kriê dlăng bruă êlan treng Đại Liên lehanăn Vương Tiểu Quân, Kơiăng khua kiă kriê Êpul group pui kmlă China (PowerChina).
Ti knăm anei, Khua knŭk kna Phạm Minh Chính bi mni kơ dŭm boh tŭ mơ̆ng Anôk bruă kriê dlăng êlan treng Đại Liên lehanăn lač hŏng tur knơ̆ng klei bi mjĕ bruă kđi čar jăk siam, Việt Nam lehanăn China brei mtrŭt mđĭ hĭn hdră bi hgŭm dua bruă duh mkra, hlăm anăn mâo bruă êlan treng – anei ăt jing sa bruă Việt Nam dôk mâo klei čiăng kơ wưng ară anei.
Hlăm anăn, dua tĭng tŭ ư bi hgŭm bruă êlan treng găn krĭng knông lăn, dŭm ktiê êlan mâo Lào Cai - Hà Nội - Hải Phòng, Đồng Đăng - Hà Nội, Móng Cái - Hạ Long - Hải Phòng- anei jing hdră êlan klông yuôm bhăn kñăm mtrŭt mđĭ hdră bi hgŭm bruă duh mkra – mnia mblei dua nah./.
Viết bình luận