Khua mil čhil Vladimir Putin bi myuôm boh tŭ dưn mơ̆ng phung tuôm hriăm leh ti Rúsia êlâo dih kơ bruă hyuă kjăp klei bi mguôp dua ala čar hlăm lu thŭn êgao, bi êdah klei čang hmăng phung anăn lŏ dơ̆ng mjing kdrông kjăp hŏng hđeh gưl mrâo ti Việt Nam ară anei thâo săng hĭn kơ anak mnuih lehanăn lăn čar Rúsia.

Ti anôk bi tuôm, phung bi ala lŏ bi hdơr lu mta bruă leh mâo ngă, lehanăn bi êdah ai tiê klei khăp mơ̆ng mnuih ƀuôn sang dua ala čar. Khua lăn čar Tô Lâm lač, mâo klei bi tuôm mơ̆ng tue jak iêo anei khădah mơ̆ng krĭng taih kbưi, ƀiădah mnuih ƀuôn sang Việt Nam ktue mđing êdi, boh nik ƀuh klei hơĭt kjăp, lehanăn đĭ kyar hlăm bruă duh mkra ti Rúsia ară anei hlak prŏng lehanăn ktang./.