Hlăm klei bi tuôm, dua tĭng bi êdah klei hơ̆k mơak ti anăp dŭm klei đĭ kyar mơ̆ng klei mjĕ giăm Việt Nam – Japon, hŏng tur knơ̆ng hƀuê ênuk jing bruă dua ala čar mđĭ klei bi hgŭm kluôm dhuôm ti mlan 11/2023 leh anăn mkŏ mjing êbeh 500 mta bruă bi hdơr 50 thŭn mkŏ mjing klei mjĕ giăm.
K’iăng Khua knŭk kna mñă kơ Bruă Kƀĭn ala Japon sa ai hŏng bruă dua ala čar mđĭ ai dưi bi mguôp mnuih mă bruă, mâo dŭm hdră êlan đru kơ êpul êya mnuih Việt Nam dôk hdĭp, hriăm leh anăn mă bruă ti Japon. Khua bruă kƀĭn ala nah gŭ Nukaga hưn knŭk kna Japon srăng mâo hdră êlan mđĭ hnơ̆ng hdĭp leh anăn bruă mă kơ mnuih mă bruă Việt Nam ti Japon hlăm wưng prăk yên luč ênoh, hmăng hmưi bruă kƀĭn ala dua ala čar bi mguôp hlăm dŭm boh klei tar rŏng lăn dua tĭng dôk bi mđing.
Viết bình luận