Klei kƀĭn trông mâo klei nao hgŭm mơ̆ng phung bi ala bruă sang čư êa čar, ƀuôn prŏng alŭ wăl Dhŭng kwar krah leh anăn krĭng Lăn Dăp Kngư, phung mkăp brei hdră êlan mlih mrô leh anăn êbeh 30 êpul hgŭm, knơ̆ng bruă, phung mnia mblei hlăm lăn čar. Thŭn 2024 mâo dhar bruă ala čar kơ klei mlih mrô ruah akŏ hlăm thŭn jing mđĭ kyar bruă duh mkra mrô hŏng 4 kmeh gơ̆ng bruă tuh tia hưm mthâo mrâo mang, mlih mrô dŭm dhar bruă duh mkra, kriê dlăng mrô, klei čih pioh mrô – boh kdrŭt yuôm bhăn kơ klei mđĭ kyar bruă duh mkra ala ƀuôn hmar leh anăn kjăp.

Hlăm klei kƀĭn trông, phung bi ala dŭm phŭn, dhar bruă, alŭ wăl, phung thơ̆ng kơ bruă leh anăn knơ̆ng bruă kah mbha lu klei bi hmô jăk kơ klei mlih mrô, rup mlih mrô kluôm kơ bruă duh mkra mrô ti Việt Nam, hdră êlan mtrŭt mđĭ klei mlih mrô, dŭm hdră tă kơ klei mlih mrô bruă lŏ hma, bruă duh mkra kmeh gơ̆ng mơ̆ng alŭ wăl, bruă klam mơ̆ng klei čih pioh mơ̆ng dŭm dhar bruă duh mkra ăt msĕ mơh dŭm hdră êlan mlih mrô bruă lŏ hma.