Phung êdam êra mâo bruă klam yuôm bhăn hlăm bruă mkŏ mjing êdei anăp kơ ASEAN
Thứ ba, 10:50, 23/04/2024
VOV Tây Nguyên
VOV Tây Nguyên
VOV4.Êđê- Phung êdam êra mâo bruă klam yuôm bhăn hlăm bruă mkŏ mjing sa ASEAN êđăp ênang, hơĭt kjăp leh anăn mdrŏng sah. Anei jing klei bi klă mbĭt dưi ba mdah hlăm mmông blŭ hrăm plah wah khua kiă kriê ASEAN Kao Kim Hourn hŏng phung êdam êra ASEAN, mkŏ mjing tlam mbruê ti Hà Nội.
Klei blŭ hrăm anei jing bruă dôk hlăm hdră Klei kƀĭn kơ mgi dih ASEAN thŭn 2024, jing klei bi klă kơ klei ƀuăn mơ̆ng ASEAN hlăm bruă lŏ čuê kơ phung mda asei ba wĭt klei mlih jăk kơ mgi dih, đru mkŏ mjing sa ASEAN mkŏ leh anăn kjăp
Hlăm wưng êgao, knŭk kna dŭm ala čar hlăm anăn mâo Việt Nam amâo mâo mdei klei uêñ mĭn kơ phung êdam êra, mkŏ mjing klei găl čiăng kơ phung mda asei mâo klei mjuăt hriăm kluôm dhuôm, mđĭ klei thâo pô, mđĭ hĭn klei găl mâo bruă mă. Hlăm mmông blŭ hrăm, pô bi ala phun êdam êra dŭm ala čar ASEAN mâo klei găl kah mbha kơ klei hmăng hmưi, mâo dŭm klei êmuh leh anăn mâo klei wĭt lač klă anăp mơ̆ng khua kiă kriê Kao Kim Hourn.
Viết bình luận