Bi ala kơ phung khua kiă kriê čar Daklak, Nguyễn Tuấn Hà, K’iăng khua knơ̆ng bruă sang čư̆ êa čar mâo leh klei hơêč hmưi jăk siam truh hŏng phung knuă druh, mnuih ngă bruă hlăm Sang mđung asăp blŭ Việt Nam ti lăn dap kngư anei, hơêč hmưi kơ dŭm boh tŭ dưn bruă hâo hưn mơ̆ng Sang mđung asăp blŭ Việt Nam mâo leh hlăm anăn wăt anôk bruă jưh dôk ti Lăn Dap Kngư.
K’iăng khua knơ̆ng bruă sang čư̆ êa čar Daklak čang hmăng, hlăm wưng ti anăp Anôk bruă anei lŏ bi lar lu dŭm bruă jăk, lehanăn kăp đru kče kơ dŭm bruă dôk ka jăk, čiăng kơ čar mâo klei đĭ kyar hĭn. Thŭn 2024 anei, bi hdơr 120 thŭn hrue mkŏ mjing, lehanăn mđĭ kyar čar Daklak, Nguyễn Tuấn Hà čang hmăng kơ VOV-Tây Nguyên mâo klei hâo hưn lu hĭn kơ dŭm boh tŭ dưn bruă mlih mrâo, lehanăn dŭm klei gĭr mơ̆ng Daklak dôk ngă knư̆ hrue knư̆ dharr kreh, đĭ kyar jiă knhuah dhar kreh djuê ana./.
Viết bình luận