Phung khua kiă kriê dŭm ala čar m’ĭt asăp lehanăn hră h’êč hmưi kơ Khua lăn čar Tô Lâm
Thứ năm, 09:52, 23/05/2024 VOV TAYNGUYEN VOV TAYNGUYEN
VOV4.Êđê- Ƀri wưng Tô Lâm mâo Anôk bruă kƀĭn ala gưl XV ruah ngă Khua lăn čar Việt Nam yang ƀuôn ngă phŭn, phung khua kiă kriê ala čar Lao, China, Campuchia m’ĭt leh asăp lehanăn hră h’êč hmưi.

Khua gĭt gai ala čar Lao Thongloun Sisoulith m’ak lehanăn h’êč hmưi Tô Lâm dưi ruah ngă Khua lăn čar Việt Nam yang ƀuôn ngă phŭn ti Klei bi kƀĭn tal 7, Anôk bruă kƀĭn ala gưl XV, bi êdah klei đăo knang mơ̆ng Đảng, Knŭk kna lehanăn Mnuih ƀuôn sang hŏng ñu. Khua gĭt gai China Tập Cận Bình h’êč hmưi leh Tô Lâm dưi ruah ngă Khua lăn čar Việt Nam yang ƀuôn ngă phŭn.

 

Mbĭt anăn bi mni kơ klei bi mjĕ China – Việt Nam, mprăp hŏng Khua lăn čar Tô Lâm krơ̆ng kjăp hdră bi hgŭm, hgŭm mbĭt mkŏ mkra sa êpul êya thâo bi đru hlăm êdei anăp China - Việt Nam ba wĭt boh tŭ klă sĭt hĭn, h’êč hmưi kơ Khua lăn čar dưi mâo lu boh tŭ dưn hĭn hlăm bruă păn mrâo. Mtao Campuchia h’êč hmưi leh Tô Lâm mâo Anôk bruă kƀĭn ala Việt Nam ruah ngă Khua lăn čar lehanăn đăo knang hŏng klei gĭt gai mơ̆ng Ñu, ala čar Việt Nam yang ƀuôn ngă phŭn srăng mâo lu klei tŭ jing mrâo, đĭ kyar pral hlăm djăp mta ra bruă, krơ̆ng kjăp bruă klam yuôm bhăn hlăm krĭng lehanăn tar rŏng lăn./.

VOV TAYNGUYEN

Viết bình luận

TIN CÙNG CHUYÊN MỤC