Hà Viết Toàn, 48 thŭn, Khua phat kđi ti gưl krah, mâo ruah mdưm ngă khua phat kđi čar Kon Tum. Toàn mâo leh 23 thŭn hlăm bruă sang phat kđi. Mơ̆ng thŭn 2018 truh kơ ară anei, Toàn păn ngă k’iăng khua sang phat kđi čar Gia Lai.

Ti knăm anei, mâo klei hơêč hmưi kơ Hà Viết Toàn mâo tiŏ nao ngă bruă mrâo, Phạm Quốc Hưng, K’iăng khua knơ̆ng bruă phat kđi gưl dlông mtă kơ Toàn mbĭt hŏng êpul khua kiă kriê bruă Đảng, phung khua kiă kriê sang phat kđi čar Kon Tum mâo klei thâo bi mguôp, ngă jăk bruă kčah jao. Jih jang mnuih ngă bruă hlăm sang phat kđi čar Kon Tum brei mâo klei sa ai mbĭt hlăm klei mă bruă, kñăm bi leh jăk jih jang bruă kčah jao./.