Ba glăi ia djru ngă hơdip phun pla ƀơi kual không phang kơtang či Dak Nông
Thứ năm, 14:15, 21/03/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Tui hăng Gong phun pơtui jua pơhiăp dêh čar Việt Nam pôr, hơdôm rơbâo hektar phun pla ƀơi tơring glông Krông Nô, kual không phang kơsing pah kơtang hloh mơ̆ng Dak Nông glăk kơƀah ia pruih, amuñ không phang čơđang lŏn kơtang.
Ơi Nguyễn Văn Đại, Khua anom bruă pơdong ƀơi tơring glông Krông Nô, Kông ti pơkra dơnao kŏn ia Dak Nông brơi thâo, ƀơi anăp tơlơi không phang kơtang, tơring glông hơmâo ngă bruă hăng hơdôm boh tơring glông iao gah kah hăng Dak Mil, Dak Song kiăng ba ia mơ̆ng hơdôm boh dơnao pơprong hŭi kơƀah ia.
Ƀơi anăp, hơmâo tơlơi tŭ ư hrŏm mơ̆ng tơring glông Dak Mil mă ia mơ̆ng dơnao Hồ Tây (dơnao hơmâo rơbêh 3 klăk met khô̆i) ba glăi pơ tơring glông Krông Nô tui bơnư̆ kŏng ia glăi pơ čroh Dak Sôr. Tui hăng ơi Nguyễn Văn Đại, Kông ti pơkra dơnao kŏng ia Dak Nông ngă hrŏm hăng anom bruă hmua wơ̆t hăng gong gai să lăi pơthâo laih kơ mơnuih ƀôn sang kơ hrơi pơđoh ia. Mơnuih ƀôn sang glăk prăp rơmet pơđoh mă ia anai či pruih phun pla.
Viết bình luận