Ia krông Krông Nô glông giăm 190km, găn nao 3 boh tơring čar Lâm Đồng, Dak Lăk hăng Dak Nông. Anih lŏn tơhroh kơtang ră anai ƀơi tơring glông Krông Nô, tơring čar Dak Nông. Tui hăng mrô jŭ yap mơ̆ng tơring glông Krông Nô, mơ̆ng thun 2010 truh ră anai, ter hang ia Krông Nô hơmâo 18 anih tơhlŏm, glông truh 10km, rơbêh 122 ha lŏn ngă hmua giăm hang ia hơmâo ia kor pơđuăi laih.

Bruă lŏn tơhlŏm ƀơi kual anai jai hrơi tơnap, ăt dŏ hlŏm na nao đôč. Grup mă bruă tal anai mơ̆ng Anom bruă pơkă lăng lŏn tơnah Việt Nam mut nao sem lăng lŏn tơhroh ƀơi ia krông Krông Nô tui tơlơi git gai mơ̆ng Khua ding jum Kông ngăn lŏn tơnah hăng Ayuh hyiăng glai klô đah mơ̆ng djru ba dua boh tơring čar Dak Nông hăng Dak Lăk ngă rơđah phun tơhnal hăng hơmâo hơdră pơsir hĭ.