Tui Ding jum tuh tia pơkra ming hăng sĭ mơdrô, apui lơtrik đơ đam dêh čar djop amăng pơđĭ kyar bơwih ƀong huă-mơnuih mơnam hăng tơlơi rơkâo mơng mơnuih ƀôn sang amăng djop bơyan amăng ha thun. Samơ̆ pơ anăp anai, bruă pơhlôm brơi apui lơtrik him lăng bưp lu tơlơi tơnap tap, sit biă ñu ƀơi kual Dap kơdư.

Ding jum tuh tia pơkra ming hăng sĭ mơdrô rơkâo gơnong bruă tuh tia pơkra ming hăng sĭ mơdrô hơdôm boh tơring čar, ƀôn prong hăng anom bruă apui lơtrik Việt Nam kơtưn ngă tui ha amăng plĕ, hruă kjăp kiăng hơmâo hơdră mă yua pơkrem hăng klă hloh, sit biă ñu lĕ amăng bơyan không phang (blan 4,5,6 hăng 7) thun 2024; pơtrut pơphun pơtô pơblang tơl abih bang mơnuih kơ bruă rơnuk rơnua, pơkrem hăng tŭ yua hluai tui hơdôm plang pơhing ră anai….