Khua čih pioh, Khua Anom bruă Khua pơ ala mơnuih ƀôn sang ơi Bùi Văn Cường brơi thâo, 3 blan tal sa, hơdôm bôh ƀirô hmâo pơphô, djru pơphun truh kih 2 Tal jơnum ƀu hmâo pơkă hlâo mơ̆ng Khua pơ ala mơnuih ƀôn sang dêh čar, 08 mông jơnum mơ̆ng Jơnum min apăn bruă Khua pơ ala mơnuih ƀôn sang dêh čar, pel ĕp, hluai tui hăng gum pơhiăp hăng 02 tơlơi phiăn, 04 tơlơi pơtrun pơsit mơ̆ng Khua pơ ala mơnuih ƀôn sang dêh čar, 66 tơlơi pơtrun pơsit mơ̆ng Jơnum min apăn bruă Khua pơ ala mơnuih ƀôn sang dêh čar; pơphun Jơnum khua pơ ala mơnuih ƀôn sang dêh čar mă bruă gơgrong pioh bơkơtuai, gum pơhiăp kơ 08 rơwang bruă tơlơi phiăn lăi pơdah hăng Khua pơ ala mơnuih ƀôn sang pel ĕp amăng Tal jơnum lok 7, Khua pơ ala mơnuih ƀôn sang dêh čar ta tal 15...

Bruă pơphô brơi, djru pok pơhai hơdôm bruă mă khua pơ ala mơnuih ƀôn sang dưi đing nao hlâo dong, lăng yôm, anô̆ klă dưi pơđĭ tui dong, kiăo tui Tơlơi klah čun 19 mơ̆ng Ding jum kơđi čar, Jơlan hơdră čih pơkra tơlơi phiăn, phiăn pơtrun thun 2024, Kơčăo bruă mrô 81 – mơ̆ng Jơnum min apăn bruă Khua pơ ala mơnuih ƀôn sang dêh čar. Hrŏm hăng anun, pơhrua nao 19 bruă čih tơlơi phiăn phrâo mut amăng Kơčăo bruă mrô 81 kiăng hmao pok pơhai hơdôm tơlơi pơtrun pơsit mơ̆ng Ping gah hăng djơ̆ tui tơlơi hmâo sit.

Hơdôm bruă pơtom hiăp kiăo tui jơlan gah pơsit mơ̆ng Ping gah, Kơnuk kơna, dưi pok pơhai gơgrong hlâo, ngă klă hăng bôh tơhnal amăng abih bang bruă, dua bơnah hăng lu bơnah. Bruă pơ ala, bruă hmư̆ lăng tơlơi čang mơ̆ng mơnuih ƀôn sang, bruă kơsem min bôh thâo phrâo dưi pok pơhai ngă tui klă dong, jai hrơi jai nao djơ̆ jơlan.

Amăng 3 blan tal 2 anai, hơdôm bôh ƀirô mơ̆ng Khua pơ ala mơnuih ƀôn sang dêh čar amra ngă giong hră pơ-ar, hră pơ-ar lăi pơdah kơ Khua pơ ala mơnuih ƀôn sang dêh čar pel ĕp amăng Tal jơnum lok 7 hăng 09 rơwang bruă tơlơi phiăn, 01 hră čih pơkra tơlơi pơtrun pơsit; ngă giong, pơhlôm klă hơdôm tơlơi lăi pơthâo pel ĕp pioh lăi pơdah kơ Khua pơ ala mơnuih ƀôn sang dêh čar kơ 11 rơwang bruă tơlơi phiăn hmâo laih amăng jơlan hơdră čih pơkra tơlơi phiăn, phiăn pơtrun.

Tơdơi kơ hmư̆ tơlơi gum pơhiăp amăng mông jơnum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit yôm amăng blan 3 hăng 3 blan tal sa, hơdôm bôh ƀirô mơ̆ng Khua pơ ala mơnuih ƀôn sang dêh čar hmâo ngă tui lu bruă prong, phrâo; kiăo tui kơčăo bruă mơ̆ng Ping gah Khua pơ ala mơnuih ƀôn sang dêh čar, hrŏm hăng anun ngă tui pơplih tañ hơdôm anô̆ phrâo hmâo; bruă mă mơ̆ng hơdôm bôh ƀirô tañ hmar, djơ̆ tui bôh nik, kiăo tui tơlơi črâo ba mơ̆ng Grŭp git gai Ping gah, djơ̆ tui tơlơi pơkă mơ̆ng tơlơi phiăn.

Bruă mă mơ̆ng Khua pơ ala mơnuih ƀôn sang dêh čar pok pơhai abih bang amăng hơdôm bruă čih tơlơi phiăn, lăng tui hăng pơsit hơdôm tơlơi yôm phăn mơ̆ng lŏn ia; bruă lăng ba tơlơi čang rơmang mơ̆ng mơnuih ƀôn sang; pơtom hiăp; bruă pơphô hlâo; lăng tui, črâo ba bruă mă mơ̆ng Khul Khua pơ ala mơnuih ƀôn sang; pơphun klă hơdôm tal jơnum mơ̆ng Khua pơ ala mơnuih ƀôn sang dêh čar, mông jơnum mơ̆ng Jơnum min apăn bruă Khua pơ ala mơnuih ƀôn sang dêh čar, hơdôm bôh ƀirô mơ̆ng Khua pơ ala mơnuih ƀôn sang dêh čar, hơdôm mơta tơlơi pơkă amăng pơphun bruă kơđi čar... Mrô bruă, anô̆ klă hơdôm bruă djơ̆ tui tơlơi hmâo sit, djơ̆ hăng tơlơi čang rơmang mơ̆ng mơnuih ƀôn sang hăng mơnuih ƀôn lan. Pơ ala kơ Jơnum min apăn bruă Khua pơ ala mơnuih ƀôn sang dêh čar, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit yôm hơdôm bôh tơhnal mơ̆ hơdôm bôh ƀirô mơ̆ng Khua pơ ala mơnuih ƀôn sang dêh čar dưi ngă; hơdôm mơnuih apăn bruă, mă bruă čar na nao abih pran jua, djơ̆ tui amăng truh kih hrŏm mơ̆ng Khua pơ ala mơnuih ƀôn sang dêh čar. Pơ̆ anăp anai, Khua git gai wai lăng pơ ala mơnuih ƀôn sang dêh čar ta ơi Vương Đình Huệ rơkâo:

 “Gah bruă mă mơ̆ng blan 4, 3 blan tal 2, phun ñu lĕ prăp lui kơ bruă jơnum Ping gah kơnuk kơna 9; tal jơnum Khua pơ ala mơnuih ƀôn sang dêh čar lok 7 hăng hlâo kơ anun, mông jơnum tal 32, 33 mơ̆ng Jơnum min apăn bruă Khua pơ ala mơnuih ƀôn sang dêh čar. Kâo rơkâo tơdơi kơ tal jơnum anai mơtăm, Khua čih pioh, Khua Anom bruă Khua pơ ala mơnuih ƀôn sang dêh čar kơsem min, tŭ mă tơlơi gum pơhiăp amăng mông mă bruă pioh pel ĕp glăi abih bang hơdôm bôh yôm bruă mă mơ̆ng ră anai truh abih 3 blan tal 2. Hăng hơdôm hră pơ-ar tơlơi phiăn hăng hră pơ-ar hmâo tơhnal pơkă rơwang tơlơi phiăn, khom pel ĕp glăi ba mut amăng jơlan hơdră mơ̆ng mông jơnum Jơnum min apăn bruă Khua pơ ala mơnuih ƀôn sang dêh čar tal 32, 33 tui sa dua tơlơi pơkă. Tal sa, abih bang hơdôm bôh yôm mơ̆ng ră anai truh abih 3 blan tal 2, đing nao hlâo lĕ kơ tal jơnum lok 7, Khua pơ ala mơnuih ƀôn sang dêh čar tal 15. Dua lĕ, abih bang tơlơi phiăn hăng hră čih pơkra tơlơi pơtrun pơsit, tơdah akă hmâo amăng jơlan hơdră Khua pơ ala mơnuih ƀôn sang dêh čar pơsit thơ, khom rơkâo Ding jum tơlơi phiăn pơ ala kơ Gong gai dêh čar lăi pơthâo pioh Jơnum min apăn bruă Khua pơ ala mơnuih ƀôn sang dêh čar pel ĕp tui Jơnum min tơlơi phiăn ba mut amăng jơlan hơdră tal jơnum”.

Khua git gai wai lăng pơ ala mơnuih ƀôn sang dêh čar pơtă, hơdôm bôh ƀirô mơ̆ng Khua pơ ala mơnuih ƀôn sang dêh čar pel ĕp glăi glông hơdră, pơkă kơ mrô hơgop tơlơi pơhing, pơkă hră pơ-ar, djă pioh, pơkă pơgang hơgom kơnuk kơna, pơgang bruă kơđi čar amăng lŏn ia pô, tơlơi pơsir kơđi yua kơ hmâo bôh pia ƀu klă. Hơdôm bôh anom pel ĕp glăi hăng rơkâo khua mua apăn bruă, mơnuih mă bruă čar ngă tui tơpă tơlơi pơkă kơ ngă tui bruă apăn hăng bruă mă. Hơdôm ƀirô mơ̆ng Khua pơ ala mơnuih ƀôn sang dêh čar khom lăng yôm bruă gơgrong hloh, gơgrong hlâo hloh amăng djop mơta, hrŏm hăng anun kơtưn bruă gum hrŏm wot bơnah amăng lăm, gah rơngiao gah bruă ngă tui bruă pô apăn, bruă hmâo jao./.