Hơdôm blan rơgao, Gia Lai bưp lu tơlơi tơnap amăng bruă brơi prăk tuh pơ alin ngă bruă kơnuk kơna jao. Prăk pioh tuh pơ alin thun 2024 rơbêh kơ 3.800 klai, yap truh lơ 26/3/2024 tơring čar kơnong brơi hơmâo 196,6 klai prăk, dưm dưm hăng 5,1% rơnoh pơkă. Amăng anun, prăk pioh ngă 3 jơlan hơdră dêh čar pơtrun hơmâo brơi aset biă, 3,3% đôč. Anai jing thun tal dua tŏ tui gia Lai kaih brơi prăk tuh pơ alin ngă bruă kơnuk kơna jao mơ̆ng akŏ thun.

Thun hlâo, tơring čar anai brơi prăk tuh pơ alin kơnong hơmâo rơbêh 70% mrô pơkă đôč. Jơnum min mơnuih ƀôn sang tơring čar Gia Lai kiăng ngă djŏp bruă, kiăng prăk tuh pơ alin thun 2024 khŏm hơmâo aset biă mă ñu 95%. Ơi Nguyễn Tuấn Anh, Kơ-iăng khua Jơnum min mơnuih ƀôn sang tơring čar Gia Lai kiăng pơtrut tui ngă bruă dưm kơnar, hăng akŏ pơdong grup ngă bruă pơsir hĭ hơdôm tơlơi tơnap amăng bruă brơi prăk tuh pơ alin kơ rim bruă mă.