Ƀơi mông jơnum, hơdôm ding kơna amăng Khul hơmâo pơblang tong ten tơhnal pơkă, bruă mă hơmâo čih amăng hơdrôm hră či ngă. Tui hăng anun, amăng hră pơtrun mrô 29 mơ̆ng Khul khua mua apăn bruă ping gah dêh čar tal 11, hơmâo tơhnal pơkă anăp či ngă bruă djơ̆ gah, djơ̆ tơlơi pơkă hơmâo mơnuih pơhrua kiăo tui; hơdôm khul mơnuih aka ƀu djơ̆ gưl, aka djơ̆ ƀudah hơdră pok pơhai aka ƀu hlom bom, aka ƀu dưi ngă tui ôh.

Laih dơ̆ng, bruă či ngă kiăng lăi pơthâo tơhnal pơtrun phrâo, hơdră či ngă kơtang phrâo hloh kiăng dưi ngă djơ̆ anŏ kiăng rơnuk anai. Pơhiăp ƀơi mông jơnum, Kơ-iăng khua dêh čar, Khua khul gưl dêh čar Pơtô hrăm hăng pơđĭ kyar mơnuih mă bruă hơmâo lăi rơđah, Bruă či ngă pơđĭ kyar pơtô hrăm truh thun 2030 hăng lăng nao pơ anăp adih thun 2045 lĕ črăn bruă yôm biă mă, ñu pơdjơ̆ nao prong kơ jơlan hơdră pơtô hrăm hăng pơđĭ kyar mơnuih mă bruă kơñ pơgi anai. Yua kơ anun, bruă ngă kiăng hơmâo anŏ pơkă lăng tong ten, bruă mă phun, tơlơi pơmin djơ̆ phun; sơ̆n pran jua ngă tui djơ̆ lăp anăp gah ngă tui samơ̆ ăt hơmâo anŏ pơblih, pơđĭ kơtang.