Tom brơi (26/3), Khul pơlir hơbit Hlăk ai Việt Nam hăng Grŭp mă bruă Khul đăo phơ̆t Việt Nam tơring čar Kon Tum pơphun kĭ pơkôl Jơlan hơdră gum hrŏm rơwang 2024-2025. Kiăo tui anun, dua bơnah gum hrŏm pơsur mơnuih apăn bruă, ƀing yă yơng ơi phơ̆t hlăk ai hăng tơdăm ngek dra muai tui đăo phơ̆t hơdip klă, đăo hiam, ngă tui tơlơi dưi hăng bruă mă mơ̆ng ană mơnuih; gum hrŏm klă pơđĭ kyar bơwih ƀong – mơnuih mơnam, pơhlôm rơnuk rơnua bruă kơđi čar, hơđong pơhlôm abih bang mơnuih mơnam; pơsur ngăn rơnoh bơwih brơi kơ hlăk ai tơdăm ngek dra muai, čơđai muai hmâo tơlơi hơdip tơnap tap.
Ăt ƀrô djơ̆ tal hơdor glăi 93 thun hrơi pơdŏng Khul hlăk ai rơnuk Hồ Chí Minh, lu khul hlăk ai ƀơi tơring čar Kon Tum pơphun pơmut mơnuih mut amăng khul; Jơlan nao truh anăn mriah; Čuă brơi gơnam tam kơ sang anô̆ gah hơdră bruă, mơnuih tha rơma ƀu hmâo hlơi gơnang; Ba jơlan hlâo gum djru yua kơ tơlơi hơdip mơda plơi pla./.
Viết bình luận