Bruă jŭ yap kiăng pel ĕp glăi tong ten mrô mơnuih hăng sang dŏ mơng anun lăng glăi bruă ngă tui akŏ bruă pơđĭ kyar bơwih ƀong huă-mơnuih mơnam rơwang thun 2021-2025; pơjing hơdră bruă, hơmâo akŏ bruă jŭ yap mrô mơnuih hăng sang dŏ  djru pơjing bruă pơđĭ kyar bơwih ƀong huă-mơnuih mơnam rơwang thun 2026-2030; kiăo tui lăng hơdôm hơnong pơkă pơđĭ kyar hơđong kjăp mơng sang gum hơbit djop dêh čar mơ̆ Kơnuk kơna Việt Nam ƀuăn ngă tui hăng djru brơi kơ bruă jŭ yap mrô mơnuih amăng đơ đam dêh čar hăng rĭm boh ƀon lan.

Ƀing mơnuih arăng amra pel ĕp jŭ yap lĕ hơdôm boh sang anŏ, rĭm čô mơnuih amăng sang anŏ. Hrơi mông hyu jŭ yap glăi mơng mơng 12 mông mlăm mơguah (1/4) truh abih lơ 30/4 thun anai. Bruă jŭ yap pơphun tui hơdră anun lĕ amra pơkiăo nao mơnuih hyu tơl sang kiăng tơña bla. Him lăng mrô jŭ yap amra lăi pơthâo amăng blan 11 hăng 12 thun anai. Bruă pel ĕp, sem lăng tui tơhnal amra lăi pơthâo amăng thun 2025.