Kơčăo bruă yua Khul ia jrao kyâo bơrơkal mriah - Ƀlan čơƀang mriah jar kmar djru, mơ̆ng rơnuč blan 8/2023 truh ră anai ƀơi 4 boh tơring čar: Dak Nông, Lào Cai, Lai Châu hăng Yên Bái hăng mrô prăk rơbêh 9,3 klai prăk.

Hơdôm boh sang anŏ hơmâo djru kơthung pơđŭ ia, prăk mơta brơi đôč, prăk mơta hơmâo tơlơi pơkă đah mơ̆ng rŭ glăi tơlơi bơwih ƀong, pơkra glăi sang dŏ...pơsir hĭ tơlơi răm ƀăm yua hơjan kơthel ngă, hơđong glăi tơlơi hơdip. Ƀơi tơring čar Dak Nông, kơčăi bruă hơmâo brơi prăk mơta kơ 20 boh sang anŏ kiăng pơkra sang dŏ, 100 boh sang anŏ pioh rŭ glăi bơwih ƀong huă, ƀơk brơi 40 boh kơthung pơđŭ ia hăng brơi prăk mơta đôč kơ 70 boh sang anŏ tơring glông Tuy Đức. Kơčăo bruă ăt djru pơtô brơi, pôr pơthâo mă yua ia hơdjă, pơgang klin kman amăng tơlơi truh ječ ameč; pơtô man pơkra sang dŏ rơnuk rơnua hloh, bơwih ƀong hơđong hăng mrô prăk rơbêh 1,5 klai prăk.