Anom bruă git gai tơhan pơgang guai tơring čar Gia Lai pơphun Jơnum bơkơtưn ngă bruă truh kih rơwang thun 2019-2024.
Thứ tư, 10:58, 26/06/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Mơguah lơ 25/6, Anom bruă git gai tơhan pơgang guai tơring čar Gia Lai pơphun Jơnum bơkơtưn ngă bruă truh kih rơwang thun 2019-2024. Thiếu tướng Nguyễn Đức Mạnh, Kơ-iăng khua tơhan pơgang guai, Ding jum ling tơhan nao pơhmư̆ hăng pơhiăp git gai mông Jơnum.
Đĭ pơhiăp, Thiếu tướng Nguyễn Đức Mạnh lăng yôm biă hơdôm tơlơi hơmâo ngă mơ̆ng tơhan pơgang guai Gia Lai amăng hơdôm thun rơgao. Tơhan pơgang guai tơring čar Gia Lai lêng kơ ngă truh kih bruă pơgang lŏn ia, rơnuk rơnua jơlan guai, djru prong biă amăng bruă akŏ pơjing, hơkrŭ kơjăp bruă kơđi čar hăng pơđĭ kyar bơwih ƀong huă - mơnuih mơnam ƀơi guai dêh čar.
Amăng hrơi blan pơ anăp, Tơhan pơgang guai tơring čar Gia Lai gir găn rơgao tơnap tap, ngă truh kih bruă hơmâo jao, tơlơi ba tơbiă či bơkơtưn rơwang thun 2024-2029, akŏ pơdong Anom bruă kơjăp kơtang, Ping gah ngă bruă tơpă sit. Gir phă prai, pơgăn abih djŏp bruă pơčut pơčao, ngă soh sat mơ̆ng ƀing ayăt; pơgang kơjăp lŏn ia, rơnuk rơnua ƀơi guai dêh čar amăng rơnuk anai.
Viết bình luận