Pơhiăp amăng mông bưp, ơi Phan Đình Trạc, Ding kơna Ding jum kơđi čar, Ding kơna git gai Ping gah dêh čar ta, Khua Grŭp mă bruă Ping gah dêh čar lăi lĕ, hơdôm tơlơi gum pơhiăp, rơkâo đĭ hăng tơlơi gum hơgôp mơ̆ng mơnuih pơ ala mơnuih ƀôn sang lĕ lăp djơ̆ biă.

Grŭp Khua pơ ala mơnuih ƀôn sang dêh čar tơring čar Lâm Đồng amra djă pioh, ruah mă hăng lăi glăi truh hăng Khua pơ ala mơnuih ƀôn sang amăng tal jơnum pơ̆ anăp. Kơnong kơ bruă pơgang pơgăn hưp ƀong kông ngăn, ơi Phan Đình Trạc brơi thâo mơ̆ng akô̆ thun truh ră anai, đơ đam dêh čar hmâo ƀom đĭ, pel ĕp rơbêh kơ 1.800 mơta kơđi tơlơi, hăng 3.493 čô mơnuih gah tơlơi soh hưp ƀong kông ngăn, bơwih ƀong hăng bruă apăn, đĭ 63,8% mrô mơta kơđi tơlơi hăng 44,8% mrô mơnuih bơhmu hăng thun hlâo. Bruă pơgang, pơgăn hưl ƀong kông ngăn glăk dưi pok pơhai kơtang biă, ƀu pơdơi, ƀu hmâo kual kom hăng ƀu hmâo tơhnal pơkă gah rơngiao./.