Tơlơi lăi pơthâo glăi amăng mông Jơnum brơi ƀuh, 5 thun rơgao, bruă bơkơtưn khom dưi hmâo pơđĭ tui laih bôh tơhnal, bruă ba jơlan hlâo mơ̆ng khul ling tơhan tơring čar Kon Tum amăng ngă tui bruă ling tơhan, pơgang lŏn ia, pơdŏng kual pơhlôm hlâo kơjăp phik.

Mơnuih apăn bruă tơhan, ling tơhan tơring čar hmâo djru laih mơnuih ƀôn sang rơbêh kơ 19.000 wot hrơi bruă, pơdŏng 90 bôh sang hơdor tơngia, sang dô̆ gum hrŏm hơbit, sang dô̆ ƀing gŏp hăng abih bang mrô prăk giăm truh 6 klai prăk... Ƀơi mông jơnum, gum lăi mơ̆ng 7 grŭp, mơnuih ba gru hlâo hăng hơdôm tơlơi đĭ pơhiăp črâo ba abih pran jua pô, dơlăm mơ̆ng Ping gah tơring čar Kon Tum, mơ̆ng Ƀirô pơtrun bruă Khul ling tơhan Quân khu 5 hmâo ngă rơđah laih pran jua gum hrŏm hơbit, pơčeh phrâo, hrưn đĭ ngă giong prong bruă jao mơ̆ng mơnuih apăn bruă tơhan, ling tơhan tơring čar. Jơnum bơni 33 grŭp, 57 čô mơnuih ba gru hlâo./.