Amăng mông jơnum, ƀing khua pơ ala hmâo bơkơtuai, ba tơbiă hơdôm jơlan gah pơđĭ kyar bơwih ƀong – mơnuih mơnam 6 blan rơnuč thun.

Pơhiăp amăng mông jơnum, ơi Phạm Ngọc Nghị, Kơ-iăng Khua git gai Ping gah, Khua Jơnum min mơnuih ƀôn sang tơring čar Dak Lak rơkâo hơdôm gưl Ping gah, gong gai, hơdôm gơnong bruă pơplih phrâo dong, pơđĭ dlông anô̆ klă, bôh tơhnal bruă črâo ba, pel ĕp, pơtrut pok pơhai ngă tui hơdôm tơlơi pơtrun pơsit, črâo ba mơ̆ng dêh čar, mơ̆ng tơring čar; kơtưn pel ĕp, lăng tui pơđĭ tui anô̆ klă bruă gong gai, pơgang, pơgăn hưp ƀong kông ngăn, prai prăk khưi khai, ngă soh hăng pơplih bruă čar. Biă ñu, hơdôm anih anom khom gơgrong hlâo, tañ thâo pơsir hơdôm tơlơi phrâo hmâo./.