Pơhiăp git gai jơnum, klah čun jơnum, ơi Lương Cường, ding kơna ding jum kơđi čar, khua gum bruă git gai ping gah dêh čar lăi pơtong, anŏ kiăng pok pơhai ngă tui Tơlơi pơtrun 144 hăng Hră pơčrâo 35 brơi ngă tơpă, tŭ yua, ngă anih pơblih rơđah amăng tơlơi thâo hluh hăng bruă ngă amăng ping gah, glông bruă kơđi čar, kiăng bơ tŭ ư hrŏm amăng mơnuih mơnam hăng mơnuih ƀôn sang.

Amăng anun, hăng tơlơi pơtrun 144, djop anom bruă ping gah, sang bruă mơnuih tơpuôl, mơnuih ngă khua, apăn bruă ping gah, mơnuih ping gah kiăng pơđĭ tui tơlơi thâo hluh kơ boh yôm tơlơi phiăn pơkă, thâo tong ten, thâo hluh dơlăm, tơlơi glăm ba, gơgrong amăng bruă mă mơ̆ng djop sang bruă ping gah, boh nik ñu mơnuih ngă khua kơ sang bruă, anom bruă, khul ping gah lơ̆m pơtô lăi, pơphun ngă tui tơlơi pơtrun, kiăng rim čô mơnuih ping gah rong pran jua kiăng hrăm, gir run, ƀư̆ pran jua, pơhrăm pô, lăng glăi bruă mă, ƀư̆ pơkra glăi brơi djŏ hnong pran jua tơpă mơ̆ng bruă hơkrŭ.