Pơhiăp ƀơi mông jơnum, Khua dêh čar ơi Phạm Minh Chính lăi rơđah, jơnum anai kiăng pơtong glăi bruă ngă tui, lăi sit tơlơi kiăng, tơhnal pơkă, tŭ ư sa pran jua, ngă tui djơ̆ tơlơi phiăn laih anun hnong bruă jao, boh yôm phun ĕp glăi, pơsir tơlơi dŏ gun amăng djop mơta hră pơar tơlơi pơtrun amăng tơlơi phiăn kơnuk kơna.

Khua dêh čar lăi pơtong, bruă mă mơ̆ng khul khua mua pơčrâo bruă kiăng ngă rơđah hlơi pô, bruă hơgĕt, tơlơi glăm ba, hrơi blan mă bruă, gơnam mă bruă, boh tơhnal dưi ngă; khom akŏ pơjing tañ khul ngă bruă djru kơ Khua mua pơčrâo bruă hơmâo ding kơna djop tơlơi thâo, tơlơi dưi, pran jua mă bruă mơ̆ng ƀing khua mua sang bruă gưl dêh čar, ƀing rơgơi kơhnâo, ƀing kơsem min, yua Kơ-iăng Khua ding jum Tơlơi phiăn pô ngă khua khul.