Đĭ pơhiăp pơđut mông jơnum, khua dêh čar ơi Phạm Minh Chính lăi pơtong, bruă pơplih yua boh thâo phrâo jing bruă phun tui ră anai, anai lĕ tơlơi rơkâo hăng bruă ruah ngă tui phun. Lăi nao tơlơi găn rơgao amăng bruă pơplih yua boh thâo phrâo, khua dêh čar rơkâo pơ anăp anai, djop ding jum, gơnong bruă, gong gai ƀon lan đing nao mă yua djop rơnoh, pok pơhai ha amăng plĕ hơdôm bruă jao, hơdră bruă amăng pơplih yua boh thâo phrâo hơmâo ba tơbiă, gir run pơgiong hăng ngă rơgao hơdôm hơnong pơkă, bruă jao amăng jơlan hơdră pơphun yua boh thâo phrâo dêh čar hăng akŏ bruă mơng Jơnum min dêh čar hăng hơdôm hơdră bruă pơđĭ kyar Kơnuk kơna mrô, bơwih ƀong mrô, mơnuih mơnam mrô, djă pioh hră hră pơ-ar amăng măi mok, hluai tui anun lăng mơnuih ƀôn sang, anom bơwih ƀong sĭ mơdrô lĕ phun, kiăng anăp nao pơplih yua boh thâo phrâo hăng kiăng lăi tơpă, ngă tui sit nik, kiăng mơnuih ƀôn sang, anom bơwih ƀong sĭ mơdrô dưi tŭ mă hơdôm boh than ba glăi mơng pơplih yua boh thâo phrâo, “anăm brơi hlơi ôh dŏ glăi gah tlôn”.