Ring bruă anai mơng Cần Thơ-Hậu Giang hăng ring bruă mơng Hậu Giang-Cà Mai amăng akŏ bruă man pơkra jơlan rơdêh đuăi hmar Kơdư-Dơnung gah Ngŏ rơwang thun 2021-2025, hăng abih tih prăk tuh pơ alin lĕ rơbêh 10.370 klai prăk. Ƀơi hơdôm anih man pơkra, Khua dêh čar ơi Phạm Minh Chính ƀơk gơnam pơ alum pran jua hơdôm anih anom man pơkra, laih dong rơkâo gong gai ƀon lan kiăng jak iâu djop anih anom kơđi čar, mơnuih ƀôn sang gum hrŏm kiăng pơplông amăng bruă mă.

Laih dong, Khua dêh čar rơkâo hơdôm anom bruă yua boh thâo măi mok hăng boh thâo phrâo kiăng pơtrut man pơkra, samơ̆ kiăng pơhlôm kjăp, rơnuk rơnua, hiam, laih dong pơgăn hưp ƀong kông ngăn, bruă ngă soh, yua gơnam khưi khai. Hăng mơnuih ƀon sang amăng kual anai, khua dêh čar rơkâo gưl Ping gah, gong gai kiăng đing nao, pơhlôm brơi mơnuih ƀôn sang hơmâo anih dŏ phrâo, tơlơi hơdip jơnap ƀiă, mơng anun ba glăi tŭ yua mơng ară jơlan rơdêh đuăi hmar.