Pơhiăp ƀơi mông jơnum, Khua dêh čar brơi thâo, thun blan pơ anăp sit năng ai tơlơi pơhing amăng dêh čar hăng ƀơi rŏng lŏn tơnah dŏ lu tơlơi tơnap tap, lông lăng, ngă tơnap kơ bruă prăk kăk trun nua, yua kơ anun kiăng thâo hlâo tong ten tơlơi pơhing amăng dêh čar hăng ƀơi tač rơngiao, pioh ĕp anŏ gêh găl pơđĭ tui tơlơi kơtang amăng bruă mă, ĕp anŏ gêh găl pơkra jơlan hơdră djơ̆ lăp, pơtrut lŏn ia pơđĭ kyar tŭ yua.

Khom lir hơbit thun pơkă yua rơnoh prăk, sĭ mơdrô, tuh pơ alin pioh pơtrut pơđĭ tui hơđong, bơwih ƀong huă, pơgang prăk trun nua. Hrŏm hăng anun, Khua dêh čar pơtrun hiăp, Anom bruă prăk kăk khom ba akŏ amăng bruă pơblih yua mrô kiăng pơhrŏ ƀiă rơnoh prăk pơplai kơ djop sang bruă mơdrô. Khua dêh čar đăo kơnang lĕ anom bruă prăk ngă klă laih amra ngă klă hloh, pơtrut hơdôm boh tơhnal dưi ngă laih, găn rơgao tơlơi lông lăng tơnap tap pioh ngă klă hloh amăng hrơi blan pơ anăp adih.