Ƀơi mông jơnum, Kơnuk kơna sem glăi tơlơi rơkâo đĭ čih pơkra tơlơi phiăn, pơhrua glăi dơ̆ng hơdôm mơta tơlơi phiăn tơhan wai pơgang; rơkâo čih tơlơi pơkra phiăn bruă mă pơhrua glăi dơ̆ng; kơčăo bruă tơlơi phiăn kông ngăn ia yua čih pơkra glăi. Hrom hăng anun, sem glăi tơlơi rơkâo mơ̆ng kơnuk kơna kơ Hơdră či mă bruă čih pơkra tơlơi phiăn, hră pơtrun kơ thun 2024; ming pơkra glăi hơdră čih pơkra tơlơi phiăn, hră pơtrun thun 2023; rơkâo akŏ pơdong Anih anom djă pioh mrô rơnoh dêh čar; sem glăi apah bơni anăn “Tơlơi bơni Hồ Chí Minh”, “Tơlơi bơni Kơnuk kơna lŏn ia” kơ tơlơi pơčeh phrâo hơ̆k hơr, adoh suang thun 2021.

Tui hăng Khua dêh čar, hơdră čih pơkra tơlơi phiăn, ngă pơgiong tơlơi mă bruă kơnuk kơna thun 2023 lĕ prong biă mă. Yua kơ anun, djop ding jum, anom bruă khom pơđĭ tui pran jua mă bruă, tui boh tơhnal hơmâo ngă thun 2022, git gai, pơđĭ tui bruă mă tơlơi glăm ba mơ̆ng pô ngă khua anom bruă; pơhrua mơnuih djru bruă, tuh pơ alin akŏ pơdong, ngă giong tơlơi pơtrun mă bruă amăng kơnuk kơna dêh čar