Amăng mông h’ŭ hăng pran jua pơpŭ sit nik, ƀing khua mua nao dưm guang bơnga, čuh ñang h’ŭ, pioh ha mơnit hơdor glăi, pơdah pran jua bơni prong prin hăng bruă ngă tuh rơyuh drah kơtăk čơđeh asar mơ̆ng ƀing tơhan pơsăn drơi jăn yua kơ lŏn ia, kiăng hơkrŭ kơ dêh čar pơklaih rơngai djuai ania, dưi pơlir truh kih lŏn ia jing sa. Giong čuh ñang, dưm guang bơnga, khua mua tơring čar Dak Lak hrŏm hăng ling tơhan djop gưl laih anun mơnuih ƀôn sang nao tŭi ñang ƀơi djop akŏ bôt pơsat dor tơhan djai pơsăn drơi jăn yua kơ lŏn ia.
Ơi Nguyễn Quang Thuân, Kơ-iăng Khua Gơnong bruă wai lăng bruă mă tơhan rơka hăng mơnuih mơnam tơring čar Dak Lak brơi thâo, bruă mă nao čuă pơsat gong kut, anih dor tơhan pơsăn drơi jăn yua lŏn ia ƀrô hơdor kơ hrơi ngă lơphet prong ƀơi dêh čar jing hĭ bruă ngă gru grua hiam klă, pơdah rai pran jua thâo hơdor tơngia tui tơlơi juăt pia "Ƀong boh hơdor kơ pô pla, mơñum ia hơdor kơ čroh hnoh" mơ̆ng khua mua hăng mơnuih ƀôn sang amăng tơring čar khom ngă.
Viết bình luận