Hăng akŏ ñu “mơ-it kơ djop rơnuk tơdơi adih pioh ră ruai glăi kơ rŏng lŏn tơnah mơ̆ gơyut čang rơmang gơñu djă pioh tŏ tui”, tal pơplông anai hơmâo 1,5 klăk čô čơđai sang hră djop kual amăng dêh čar čih hră mơ-it. Thun anai, akŏ tơlơi pơplông čih hră mơ-it jar kmar UPU lir hơbit hăng bruă mă hơdor glăi 150 thun akŏ pơdong anom bruă sang dăng kông ba hră mơ-it  rŏng lŏn tơnah.

Tal pơplông hơmâo akŏ ñu “Amăng jơlan nao 150 thun akŏ pơdong anom bruă sang dăng kông rŏng lŏn tơnah hơmâo bơwih brơi kơ 8 rơnuk mơnuih amăng rŏng lŏn tơnah. Mơ̆ng anun truh ră anai, rŏng lŏn tơnah hơmâo lu tơlơi pơblih phrâo. Čih bĕ hră mơ-it kơ rơnuk tơdơi adih kiăng ră ruai glăi kơ rŏng lŏn tơnah mơ̆ gơyut čang rơmang gơñu tŭ mă djă pioh”. Rơbêh 1,5 klăk pok hră mơ-it, lăi nao kơ čơđai muai anet tơlơi khăp mơ̆ng čơđai sang hră đah rơkơi adơi Nguyễn Đỗ Quang Minh hơmâo tŭ mă pri mrô sa gưl dêh čar pơplông čih hră mơ-it jar kmar UPU tal 53 thun 2024.