Hlâo kơ anun, tlam lơ 6/5, Khua dêh čar ơi Phạm Minh Chính, Ding kơna gum bruă git gai Ping gah yă Trương Thị Mai hrŏm hăng ƀing khua mua, khua hơđăp mơ̆ng Ping gah, Kơnuk kơna nao dưm guang bơnga, tŭi ñang hơdor bơni kơ tơhan djai pơsăn drơi ƀơi Pơsat tơhan djai pơsăn drơi Dêh čar A1 ƀơi tơring čar Điện Biên.
Khua git gai Ping gah ơi Nguyễn Phú Trọng mơ-it bơnga pơpŭ kơ ling tơhan djai pơsăn drơi. Bơnga mơ̆ng ƀong khua mơ̆ng Ping gah, Kơnuk kơna hăng grup mă bruă čih rơđah “Djŏp rơnuk hơdor na nao kơ tơhan djai pơsăn drơi”, pơdah pran jua hơdor bơni prong biă mă mơ̆ng lŏn ia, mơ̆ng mơnuih ƀôn sang kơ tơhan sông kơtang djai pơsăn drơi kơ lŏn ia ta, djai drơi pô yua kơ tơlơi rơngai mơ̆ng Lŏn ia. ăt amăng tlam lơ 6/5, ƀơi Pra yang hơ-ŭ kơ Tơhan djai pơsăn drơi či Anih blah ngă Điện Biên Phủ, Grup khua ping gah Khul ling tơhan, Ding jum ling tơhan yua Đại tướng Phan Văn Giang, Khua ding jum ling tơhan ăt nao tŭi ñang, hơ-ŭ kơ Tơhan sông kơtang djai pơsăn drơi ƀơi Điện Biên.
Viết bình luận