Pơplih klă bruă brơi prăk tuh pơ alin kơnuk kơna ƀơi Dak Lăk
Thứ tư, 10:00, 08/05/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Ƀơi mông jơnum tui tơđar blan 4/2024, pơphun hrơi tom brơi (7/5), Khua jơnum min mơnuih ƀôn sang tơring čar Dak Lăk kiăng hơdôm Gơnong bruă, tơring glông plơi prong lăp đing nao bruă tuh pơ alin ring bruă kơnuk kơna jao hăng hơdôm ring bruă yôm phun ƀơi tơring čar, pơƀut rơkâo đĭ, pơsir hĭ hơdôm tơlơi gun či brơi prăk klă hloh.
Yap abih blan 4 thun anai, Dak Lăk hơmâo brơi prăk tuh pơ alin rơbêh 1.000 klai prăk, hơmâo 25% akŏ bruă, lu hloh 12% pơhmu hăng tơđar thun hlâo. Hăng kơčăo bruă yôm phun kah hăng: jơlan rơdêh đuăi hmar Khánh Hòa - Buôn Ma Thuột hơmâo brơi rơbêh 27% mrô prăk thun 2024. Jơlan Hồ Chí Minh bĕ gah Ngŏ Buôn Ma Thuột hơmâo brơi prăk pơkra rơbêh 1.050 klai prăk/1.500 klai prăk hơmâo brơi truh mông anai, jing rơbêh 70% akŏ bruă.
Khă hnun, tui hăng ơi Phạm Ngọc Nghị, Khua Jơnum min mơnuih ƀôn sang tơring čar dak Lăk, mah bruă brơi prăk tuh pơ alin mơ̆ng tơring čar hơdôm blan akŏ thun hơmâo lu tơlơi pơplih klă samơ̆ aka ƀu dưi ngă hăng tơlơi kiăng ôh. Hơdôm gơnong bruă kiăng lăp đing nao hloh kơ tơlơi anai.
Viết bình luận