Ƀơi mông bơkơtuai nao rai dua čô kơ-iăng khua ding jum pơdah pran jua đăo kơnang nao rai ngă tui dua kơčăo bruă man pơdong anih mă bruă sang djă pioh mrô rơnoh plơi pla, anăn, hră tut tơngan mơnuih ƀôn sang brơi kơ dêh čar Lao hăng man pơdong sang bruă kơsem min pơhrăm añ gơñ ƀơi Vientiane dêh čar Lao, amra jing hơdôm ring bruă phun yôm kiăng djru hrŏm ngă kjăp tơlơi rô nao rai giăng mah dêh čar jĕ giăm yôm phara plah wah Việt Nam-Lao lăi hrŏm, plah wah ding jum kông an dua boh dêh čar hnun mơ̆n, ăt kah hăng bruă djru kơ dêh čar Lao pơgang rơnuk rơnua hơđong lŏn ia.
Amăng bruă pơhlôm pơgang hlâo tơlơi soh sat lĕ, dua čô kơ-iăng khua ding jum tŭ ư hrŏm pơ anăp anai, dua bơnah ăt kơtưn ngă hrŏm tŭ yua, djơ̆ lăp amăng bruă pơgang rơnuk rơnua kơ mơnuih mơnam laih anun pơhlôm pơgang amăng lăm dêh čar, pơgăn ƀing tơhan ngă pirat soh sat mut rai amăng dêh čar, pơgang tong ten tơlơi rơnuk rơnua bruă kơđi čar tơdruă, tơlơi rơnuk rơnua bơwih ƀong huă, rơnuk rơnua gru grua hiam.
Viết bình luận