Tom brơi (30/5), Grŭp hyu mă bruă mơ̆ng Jơnum min wai lăng hră pơ-ar Jơnum tal 14 mơ̆ng Ping gah dêh čar yua kơ ơi Nguyễn Xuân Thắng, Khua Khul pơblang bruă Ping gah dêh čar, Khua Sang hră pơtô bruă kơđi čar Hồ Chí Minh dêh čar ta, Khua Grŭp wai lăng hră pơ-ar, Khua Gŭp dăp hơdră Hră pơ-ar Jơnum tal 14 ngă khua grŭp mă bruă hăng Grŭp apăn bruă Ping gah ƀôn prong Hải Phòng.

Amăng mông mă bruă, ơi Nguyễn Xuân Thắng pơsit yôm pran jua pơplih phrâo, khin pơmin, khin ngă, gir run yak rơgao djop tơlơi tơnap, tơlơi lông mơ̆ng Ping gah, gong gai hăng mơnuih ƀôn sang ƀôn prong Hải Phòng. Ñu rơkâo ƀôn prong Hải Phòng đing nao dong bruă git gai, črâo ba pioh ngă giong ƀơi rơnoh dlông hloh hơdôm tơhnal pơkă mơ̆ Tơlơi pơtrun pơsit Jơnum ping gah ƀôn prong tal 16 hmâo ba tơbiă; pơđĭ kơjăp tơlơi hơdip mơda mơnuih ƀôn sang; kơtưn pơlir kual hăng gum hrŏm ba glăi bôh tơhnal hơdôm bruă bơwih ƀong; mơ̆ng anun, ngă tui truh kih tơhnal pơkă truh thun 2030, ngă brơi Hải Phòng jing ƀôn prong đĭ kyar măi mok rơnuk phrâo, thâo rơgơi, kơjăp sui thun, pơtŏng sit bruă pơtrut pơđĭ kyar mơ̆ng lŏn ia./.