Amăng mông tŭ jum, Kơ-iăng Khua dêh čar ta ơi Lê Minh Khái pơtŏng sit, Ping gah, Kơnuk kơna hăng mơnuih ƀôn sang Việt Nam lăng yôm na nao hăng đing nao hlâo bruă hơkrŭ đĭ hăng kơtưn tơlơi rô nao rai giăng mah prong prin, pran gum hrŏm hơbit phara hăng gum hrŏm abih bang kơplah wah dua bôh dêh čar Việt Nam – Lao.

Kơ-iăng Khua dêh čar ta ơi Lê Minh Khái čang rơmang dua bơnah gum hrŏm dong ngă tui hơdôm tơlơi pơkôl gum hrŏm gưl dlông hrŏm mơ̆ng Jơnum min pơlir Gong gai Việt Nam hăng Lao, ăt kah hăng hơdôm tơlơi lăi pơtŏng gưl dlông, tơlơi pơkôl kơplah wah dua Ding jum, djru pơđĭ kyar bơwih ƀong, mơnuih mơnam dua bôh dêh čar; lăi rơđah, Gong gai Việt Nam amra djru dong, ngă gal brơi pioh dua gơnong bruă prăk kak gum hrŏm kơjăp, pok pơhai ba glăi bôh tơhnal hơdôm bruă hmâo jao./.